中西Fusion菜：點心靚湯＋咖啡花茶．吉吉 (觀塘)

最近大家都忙於捉小精靈，我都不忘四圍捐窿捐罅去四尋美食。
這日去宜安街街市附近，特意穿入巷仔，發掘到點心美食。

誰說早起的鳥兒有蟲食？
早上賴床不肯起身飲早茶的我，最喜歡下午茶時段去食點心！

這間店子的手工點心都是即叫即蒸，需時大概15分鐘，
等待時間是可接受的範圍，而且全日免收加一，是一個飲茶的好去處～

點心紙與坊間差不多，但是手工點心配上fusion咖啡和養生靚湯的三合一點心店都是第一次見！每日都有老火湯，讓人十分期待！除養生的老火湯外，也有常見的蒸籠點心、煎炸小食和煎腸粉類。

店子沒有常見的奶皇包、叉燒包，反而會有一些特別的點心推介予食客，點心名字也挺有趣和生動，加上價錢實惠經濟吸引不少前來一試！

黑椒扣豬手$25

個人不好豬手，朋友就鐘意到暈！雖然只有數件，
但朋友邊吃邊說惹味，又說煮到好軟腍又有彈性。

蟹子燒賣王兩件＄17

夠大粒而且又多餡，粉皮不會過厚；
製法地道，食落肉味鮮，而且蒸的掌控時間控制得很好。

煎雲石馬蹄糕$20

平日飲茶最愛煎煎炸炸，這個馬蹄糕給我很大的新鮮感！
從顏色看來，驟眼看以為是芝麻口味，
但其實是採用爽口的馬蹄粒為主打，糕點的質感很軟，
而且配合溫熱，使我更喜歡這個甜點！

鮑片冬菇鴨胸荷香籠仔飯 $26

嘩！這個飯落足料，材料好豐富，
性價比極高的一籠飯，印象中好像未食咁平又咁豐富的籠仔飯。

未食先興奮，皆因會散發出陣陣荷葉的香味，而且配上入味的鴨胸肉和海量雞粒，使整個飯更勝一籌！蒸籠出品的飯粒軟硬適中，飯筒又可以一個人食光光～

鳳爪排骨飯 $20

平日飲茶都會點呢個鳳爪排骨飯，價錢與坊間大同小異，最愛撈醬汁吃！
排骨明顯較鳳爪多，而且都幾入味，可以一試！

濃湯北姑棉花雞＄24

濃湯是精華所在！
娃娃菜吸盡日月精華，蔬菜好入味，
而且這一盅的點心配料豐富，
棉花雞好大塊但不會「諧」口，
仲有大大粒冬菇～

從店子的宣傳單張可見到原來有外賣服務～懶人有福了！點心都可以外賣～不用落街都可以食點心！消費滿＄188 可免費送貨，但是只送指定地區如牛頭角、九龍灣、觀塘、藍田和油塘等等。打電話落單就有專人將點心送上門都是個不錯的gimmick!

吉吉點
觀塘宜安街7號財利大樓地下E舖