經愛酒朋友介紹下，發現到一間堅貼地的西餐廳，
Happy hour 或 收工後可以考慮與同事朋友去嘆杯紅白酒。
收工後不少打工仔都趕住搭車去中環、尖沙咀夜蒲，
我則走進觀塘工廈，來到一間專業的酒窖連餐廳吃飯。
餐廳環境寬蔽，空間感十足，完全沒有焗促和迫的感覺，
裝潢氣派十足又華麗，完全突顯到時尚和高貴的一面。
老實說，餐牌的選擇不會太多，
但也是優待有選擇困難症的朋友。
聽聞菜式是由大廚與品酒師共同構思，
打造出岩Key的菜式，真是名乎其實認真創作！
小食點了Baby squid $68
蘸滿墨汁並釀了Risotto，吃落有別有一番風味，
墨魚的口感彈牙、有咬口，若再多一點燉飯更好！
沙甸魚多士底下伴有沙律菜，更開胃滋味，
海鮮本身的味道咸咸地，配上白酒是絕佳的組合，用作提鮮。
炸牛蒡條製法新鮮又特別，酥脆可口，十分適合用來送酒。
紅菜頭蘋果湯
補益養生的「紅」湯，配上蘋果薄脆，口感更香脆
慢煮三文魚配菠菜蓉
慢煮可帶出三文魚的鮮嫩，沒有魚腥味，入口好滑溜，
伴上田園綠菠菜蓉更清新，為口蕾帶來一陣刺激。
黑松露意粉
香菇的味道濃郁芳香，與黑松露意粉好夾，
但黑松露的份量多了少少，多吃會帶點微咸。
甜酒配甜品更恰當，帶出葡萄酒的果香花香。
柚子德國芝士餅
芝士餅被白朱古力包圍，內有柚子粒，味道清新突出，
伴碟用上朱古力粒粒和紅莓，紅當當的，賣相好特別。
梨香味清新，色澤帶磚紅色，可想而知梨肉入味好吃，
一咬下去，梨肉果然清潤多汁，即時滋補乾燥的喉嚨。
菠蘿法式焦糖燉蛋
經燒槍火灸後，燉蛋的表層即時築起一層焦糖，
而焦糖菠蘿與燉蛋crossover都是第一次見識。
滑蛋被緊緊封存在焦糖下面，要用匙更去破冰，
Creme brelee 蛋香滿載，蛋漿的質地好滑溜，
想不到這個新奇組合都幾夾，一滑一甜好滋味。
食飯前，走進酒窖行了一轉，發現藏酒量豐富
另外值得一提的是，餐廳推出超筍happy hour時段，
每位只需 $168 就可以任飲 8款指定的意大利和阿根廷的紅白酒，
時段由下午三點至九點，與客戶傾生意或朋友傾計都不錯！
餐廳開設品酒班，有專業的紅酒導師教授課程，
經過今晚後，心思思想更認識波爾多的葡萄酒⋯⋯
品酒班場地設有獨立枱、盆，被譽為全港專業的葡萄酒學校。
Centre de Vin
地址 : 觀塘巧明街94-96號鴻圖中心9樓
電話號碼: 3707 4745
營業時間:
星期一至五: 12:00-15:00; 18:00-23:00 星期六: 18:00-23:00 星期日: 休息
沒有留言:
張貼留言