祕製咖哩炒蟹．泰風情 (九龍城)

每次去九龍城一定會食泰國菜，
總會先買幾條串燒在街邊獨食。

眾多九龍城泰式菜館子，一直都有光顧泰風情串燒！
雖然晚上好大機會要大排長龍，
但配上祕汁和獨特的燒烤方法，真是十分惹味。
最近還發現原來呢間店子的對面是可以堂食呢！

與一般的泰國菜差不多，都有泰式沙律、小食、燒烤、湯、
海鮮/肉類、蔬菜、粉麵飯類等特色風味。

想不到原來是主打全日套餐，豐儉由人；
豪食又得、慳慳地都可以食到抵食套餐～

但聽聞店子的炒蟹挺出名，
一於試試咖哩炒蟹 $ 268

有興趣可連蒜蓉包/薄餅一齊食，更滋味！
個人覺得撈汁配飯是最好食～

呢隻肉蟹都幾大隻，蟹鉗位置有滿滿雪白色的蟹肉，
要配上開鉗器才可以將鮮甜的蟹肉連根拔起。

大廚加入了海量洋蔥、豆角和三色椒混在咖哩中，
還有撈檬的沙律菜伴碟，賣相都幾吸引！

雖然黃咖哩不會好辣，但都是充滿泰式風味，十分適合初嘗泰菜的朋友～
剛巧同行友人不是太吃得辣，要了少辣，都吃到濃郁的咖哩香味。

下次想試下招牌爆炸蟹！

泰風情
地址: 九龍城衙前圍道62號地舖
電話號碼: 2382 1182
營業時間: 星期一至日: 11:30-0030