來一頓中西合璧的晚餐．Kowloon East Kitchen (觀塘)

朋友總是找到隱身在城市中的聚餐地點，
雖然位處工廈之中，但卻十分旺場，坐滿了客人！
繼上次約會，已經有段時間沒有與友人見面，
所以都想搵到chat既靚位傾番一晚。

Night chat 最好揀張遠離塵囂的高枱，
可遠眺街景，又可避開與隔離枱不必要的接觸。
朋友似乎早知餐廳的高枱高凳可以環觀晚上的街景，
多了份與世隔絕的感覺...可以安靜下來...

前菜 Starters

意大利腸肉釀流心蛋多士 $78

很好奇這個中西合璧的菜式會是什麼的味道，
外型是酥炸蛋球，但中間釀了流心溫泉蛋，很特別！

肉味和蕃茄醬汁好夾，充滿濃郁又滋味的香氣，
旁邊的多士好脆，蘸點滑溜蛋漿，好惹味！

藜麥紅菜頭沙律 $88

這一盤集結很多款式的沙律菜，
加上煙軔炸藜麥和紅菜頭的配搭，
酸甜交織在一起，口感絕對豐富！

羊奶芝士切成粒粒的，不會有腥羶味，
反而配上了清淡的沙律菜，兩者更顯融洽。

大致來說，是日精選有肉扒、魚、海鮮供應，
主菜主要有分忌廉汁和蕃茄汁的飯、麵、意粉。

薰煙肉蛋黃芝士汁意粉 $128

口感比一般意粉粗，相對起來更有口感和彈牙，
不得不說白汁煮得好香，又有大粒有肉感的煙肉，
食落咸香味十足的，粒狀使整個意粉味道更濃厚，
總結來說，意粉集香草、忌廉和洋蔥的三重滋味！

飯後總有點執著，一定要飲杯咖啡/食件甜品，
對這個豆腐口味的芝士蛋糕 $65 頗有好感。

師父在芝士蛋糕面上撒上碎粒脆脆，
批底是薄薄一層餅碎，好一個前後呼應，
旁邊裝飾的水果有藍莓、紅莓子，賣相精緻。

芝士蛋糕好綿滑和好鬆軟，有陣陣滑溜的豆腐味，
另配上自家製芝麻祕醬，仲食到粒粒芝麻的質感。

Kowloon East Kitchen
地址 ：觀塘駿業街66號巧運工業大廈5樓C室
電話號碼：3468 5383
營業時間：星期一至三: 12:00-15:00; 18:30-22:00
星期四至五: 12:00-15:00; 18:30-22:30
星期六: 12:00-15:00; 18:00-22:30 星期日: 休息