經過太子的街頭巷尾總是被陣陣泰式風味所吸引，
最近與朋友在花園街街尾品嚐了一頓久違的泰菜。
泰式魚肚羮 $98/2位
很多店子的酸辣湯或者冬陰公都是招牌，
但我偏愛試點特別的，特意揀了個泰式魚肚羮。
雖然只是兩位用，但想不到會落咁足料，似是4人用！
用匙更一挖，有 海量x10 魚肚，仲要啖啖都好厚肉！
另添加了芫茜和雞絲，使湯品簡單得黎，又香味十足，
平日吃湯羮總要加點陳醋，但菜館的調味剛好！
大頭蝦芒果絲沙律 $168
除了泰式生蝦，個人都幾鐘意吃深海炸蝦，好香口！
9隻開邊大頭蝦炸到半邊朝天，酥炸的賣相好誘人、
想不到最好吃的是蝦頭，會不自覺地吃到有濃郁蝦膏。
開邊蝦的其中一個好處是不用徒手拆蝦殼，
蝦身早已炸到「入心入肺」，外殼都鋪了層濃醬。
埋藏在大蝦底下的還有沙律盛、蔥條和芭樂絲等，
混伴酸酸甜甜的醬汁，往往都好惹味又豐富。
黃咖哩雞 $98細
吃泰菜咖哩雞是必點吧，也有牛和豬的選擇。
咖哩裡頭少不了紅椒青椒和洋蔥的配搭，
而薯仔與咖哩總是最佳組合，混拌咖哩汁送飯一流！
雞肉好滑嫩，尤其鐘意吃最厚身的雞胸肉！
泰式炒雜菜 $68
自由配搭的「菜式」有多達五六款的蔬菜，
如紹菜、紅蘿蔔、蘑菇和西蘭花，想不到也有栗米芯，
無渣又清甜的芥蘭很嫩口，下次可考慮點咸魚炒芥蘭。
巧妙在師父會將雜菜用蒜香爆香再快炒，好香噴噴！
炒在一碟總覺得好豐富，可以一次過滿足不同的口味。
蝦醬炒飯 $88
飯粒間隱藏著迷你蝦和肉碎，好有獲氣的炒飯！
師父落了適量的蝦醬，吃到鮮味，但又不會好咸；
伴碟的還有蛋絲花、臘肉、臘腸、生菜、蕃茄和青瓜，
不期然混拌泰式黃咖哩，一口氣可以吃到兩碗飯！
泰聚
地址: 太子花園街239號嘉慶苑地下
電話號碼: 2338 7666
營業時間: 星期一至日: 11:00-00:00
沒有留言:
張貼留言