呢間餐廳門面望落幾高檔，吃飯環境夠 Grand 又時尚！
另外有高枱 / outdoor 可供選擇，可以滿足大夥人 / 講求情調的情侶。
幸好餐牌的選擇都幾多元化，有沙律、粉麵 、扒類、烤焗類、
海鮮和BBQ類，最適合與嘴饞又嘴刁的朋友來！
先點一客小食頭盤再share!
焗蟹肉海鮮餅 2件/$88 Premium size Crab Cake
無錯！我係睇外表的人，全因見到premium，所以就點了！
蟹肉和海鮮這兩個經典組合真是無可挑剔，
配上微辣的泰式酸辣醬，完美演繹到鮮甜的滋味。
還配有黃芥末醬，蘸少許再食，即時醒胃惹味！
西餐嘛，總要例牌點個指定湯 或 是日餐湯
牛肝菌忌廉湯 $52 （1 portion split 2 ）
餐廳的侍應好貼心，會主動問是否需要分兩個湯碗，
所以一客湯都可以分成兩份，齊齊share!
濃湯忌廉味重，口感 creamy 又濃郁，
還有 Porcini 菇菌的味道，富有口感的層次！
另有提子麥包和鬆軟的合桃蛋糕附送，很豐富！
蒜蓉法包 $36
呢客自家製的法包充滿陣陣蒜香味，
一客四片的香蒜麵包牛油味特濃，
入口脆卜卜，與餐湯一併食更夾！
外國蠔的價錢大約$38-48 / 一隻
因小試牛刀的關係，每款都點了一隻試試味。
幸好侍應生見我呢個門外漢比較生疏又不太清楚，
上枱後，會主動簡略蠔的濃淡味和建議食的次序，
並建議先吃奶油味較重，最後才食海水味較重的蠔種。
另外如果不太喜歡Raw / 過份原汁原味的朋友
可以配上酸辣醬和檸檬汁用來吃蠔。
上枱時侍應生又會不厭其煩地再加提醒，使食客可以更安心又放心地食用生蠔。
前期先品嚐奶油味較重的蠔，分別是：
-外形較大隻的澳洲塔斯曼尼 Aust Tasmania
中段再來外形較瘦小的愛爾蘭石蠔 $42 Irish Rock Oyster
到了後期就品嚐：
-海水味較重的澳洲哥芬灣 Taylor Pacific Rock
入口明顯較濃味又creamy ，留待最尾果然是無錯！
香蒜茄汁海鮮天使麵 $148
海鮮配料十分豐富，用上蝦肉、魚柳、魷魚圈和蜆肉；
不但如此，更喜歡用茄汁快炒，這樣酸甜味更出眾！
Margherita Pizza $128，別以為 10吋 就嚇到我。
平日去薄餅店只係識吃厚厚批，呢個薄餅是類似墨西哥 Tortilla pizza 的薄底脆邊，
所以兩個人吃感覺上覺得剛剛好，不會太飽，全都是 「Marinara Tomato Style」。
添加了大量意式烹調用的鮮蕃茄作餡料，
烤焗火喉掌控得剛好，那陣烤香草的味會隨之飄浮於空氣中。
所以剛出爐一刻，就自然做到拉絲的效果，Texture 剛好，不會太膩！
BBQ 半份燒排骨 1/2 Baby spare ribs $188
六條肋骨底下鋪設不少清新又有營的西蘭花和小蕃茄，
又有香脆可口的炸薯條，好壯觀！
祕醬都做得幾惹味特別，不是一般的BBQ燒烤醬汁，
但吃落排骨不夠入味，未做到那種「骨肉分離」的效果，
嘴刁的我覺得味道與廟街那間還是有段距離。
整體來說，食物質素、服務和環境都不錯喔～
曼克頓餐廳
地址：觀塘觀塘道414號一亞太中心(OPC)3樓303號舖
電話號碼：：2345 8546／2345 8547
營業時間：星期一至四、星期六及星期日 (11:30 – 23:00) 星期五及
公眾假期前夕 (11:30 – 23:30)
沒有留言:
張貼留言