近日得知會有新品推出，真是難掩興奮之情，
即刻約左班鴨仔發燒友去朝聖！
鴨仔的熱潮載譽歸來，皆因 DK 10月份又有新搞作！
充滿童真又可愛度爆登的下午茶應該沒有人會抗拒吧？
瓷器茶杯大方高貴，又不失時尚感，
邊緣掛住一粒黃色的鴨仔造形軟糖，
可考慮直接將黃鴨放在水中暢遊。
來自美國紐約的有機香茅檸檬茶芳香撲鼻，
具有讓人覺得放鬆，又有喚醒身心靈的功效，
另附上茶壺，可隨時重添 Lemongrass tea 。
先來一個Mojito 雪芭清腸胃和消濟，
口有陣陣薄荷和青檸的味道，是一流的！
第一個試的來自美國東岸的海鮮蔬菜批，
海鮮和芝士釀滿整個麒麟蚌，幾乎是多到溢出來！
食落口感好緊實，又有豐富的口感，滿載滋味！
另一個以心型膠兜盛載的是來自加拿大的蟹拑，
店方早已貼心為食客開蟹，露出雪白的蟹肉。
只需一吮就品嚐到鮮甜又多汁的蟹肉，果然啖啖肉！
為了提升「鴨仔暢遊」的仿真度，
特意加入番皂泡這個焦點元素。
在鴨仔和泡泡的陪伴下，沖涼都變成一件幸福的事！
細味下，泡沫是有微微的芥辣香味，
三款腸均出產自德國，包括辣肉腸、 香草腸和早餐腸。
個人比較喜歡香辣腸，肉質紮實實的，又有香辣的肉味！
另一個膠兜裝住的是玫瑰口味的乳酪果凍
頭頂上的啫哩也有泡沫化，待會兒就會消失了，
刮到落最低會品嚐到 Rose 花瓣味的香醇美味。
迷迭香的確是一種讓人一試難忘的味道，
這款來自法國的牛角包烤到好酥脆又鬆化。
一咬會見到夾雜了營養又健康的穀麥，
又滿載濃郁的香氣，使人產生愉快之情～
用上黃、白、橙主色去塑造鴨仔的形象。
圖案造型精緻，裝飾後，顯得格外精美！
曲奇味道正常，牛油味不會過重，
加上糖霜，入口有點似兒時食的肚臍餅。
3D的巨型朱古力鴨鴨採用空心設計，
若果食到太飽，還可以將鴨子外帶回家呢～
黃鴨 Macaroon 的裝飾都費盡心思，毫不馬虎～
中間有個突起的鴨仔圖案，入口是醒神的檸檬味，
帶來好清新又好脆的滋味口感！
檸檬Cupcakes 上的裝飾忌廉與蛋糕一併食，味道是剛好的！
頂上的珍珠色糖珠粒增添蛋一份美感！
中型的立體鴨仔都是可以食用的，
空心的設計十分輕盈，可放在cupcakes 上，
邊食令人難以抗拒的白朱古力，邊呷杯茶很是開心！
從五張魔法卡抽出其中一張 magic card 後，再試嗅店方 Blend 的香氛。
五種味包括：檸檬、乳香、綠薄荷、苦橙和杜松果，
果然與這個檸檬香的鴨鴨Tea set 十分夾呢！
邊食Tea 邊寫願望，倒是很寫意！
最後品嚐到的是長型法式檸檬小撻，
入口比較甜，批頂撒上幾粒脆脆，更豐富！
夾雜陣陣檸檬味的餡批是甜控絕不能拒絕～
最初以為造型照的鴨仔都是道具，
想不到立體鴨仔都是食得又玩得！
玩到「泡沫幻化為零」都繼續拍照，
全因可愛到暈·完全不捨得吃～
誠意推介給童心未泯的大細朋友！
DK CUPPA TEA 浮遊童心下午茶 (兩位享用)
定價為港幣 $298 元 / 人
DK Cuppa Tea
地址: 上環新街市街19號地舖
電話號碼: 2386 3588
營業時間: 星期一至日: 12:00-20:00
沒有留言:
張貼留言