如果可以集各家功夫於一身，定必是另一番風味！
這一間揉合意大利和西班牙Fusion菜的餐廳，
主要提供特色小食、意粉和甜品類的食物。
前菜揀了蕎麥紅菜頭沙律 $78
染成西瓜色的蘋果好清甜又新鮮，
配上有嚼口又健康的紅菜頭，感覺份外清新。
另外也添加養生的蕎麥和松子仁，
喜歡這個簡單又好味的組合！
沙律終究還是要酸酸甜甜，
所以配上食用的香橙油醋汁，
這樣才可以帶起食慾和胃口。
是日餐湯 $48 是蕃茄忌廉湯
色澤似南瓜湯，但奶油味好香
吃落有薯蓉味，真材實料！
黏稠度適中，吃得出沒有加水。
香草的麵包咸咸地，沾上湯汁會更好。
西西里式墨魚汁燴鮮魷魚 $75
早幾日在街邊嗅到燒魷魚就已經好想食！
在餐牌見到有鮮魷魚即時bling bling 眼～
筒形的魷魚好彈牙好嚼口，
一盤有好多件，完全是足料之作！
採用獨特的意式醬汁—蕃茄筒墨魚汁，好特別，
墨魚汁夠濃郁，混雜香口洋蔥，使人一食再食！
Carbonara $155
呢客自家製意大利粉呈幼身狀，
每條意粉都充分吸啜豐盈的醬汁。
雖然白菌切得好薄，但就是香氣四溢，
一端上來就被白菌的香氣吸引過去。
還有陣陣芝士、香草和蛋汁的濃香味，
三方面都配合得很好，所以味道自然不會過搶。
以煙腩作為配料當然做好本份，
烤到比較乾身，吃落會脆卜卜，
而且不肥膩，與濕潤意粉好夾！
意式烤雞 半隻 $178
而且肉質好嫩好脆，蘸上祕醬吃得更滋味，
細味下，原來是蕃茄意式祕醬，帶點微酸。
最最最刺激味蕾的就是有蒜味，
平日好少食扒，但附上的烤香蒜與雞肉好夾！
旁邊的烤薯仔好軟腍，帶點軟綿綿口感。
還有沙律菜、甜蕃茄和有機豆角的陪襯下，
整個烤雞的木板餐養眼度十足。
最近喉嚨經常都覺得乾，當晚都飲了好多杯水，
很欣賞服務生的禮貌和服務，不時又會在旁斟水！
Mela Italian & Spanish Cuisine
地址 ：觀塘駿業街66號巧運工業大廈11樓C室
電話號碼：3686 0988
營業時間：星期一至四: 12:00-15:00; 18:00-22:00 星期五至六:
12:00-15:00; 18:00-22:30 星期日及勞工假休息
沒有留言:
張貼留言