今次來到尖沙咀的相撲手日式放題店，喜歡門外的傳統裝飾和牆身，充滿日本風。店的面積挺大而且環境很寬敞呢。
所有的點餐紙會整齊地排放在盒內。一坐底，我地即刻拎住筆一直畫一直點，再一次過成疊給侍應生，但猜不到呢間放題既效率和反應時間咁快，記憶中全部食物一件不少、又密又快咁來！下次應該逐樣慢慢點。
另外餐廳有為每枱的客人送上一客湯和燒三文魚，誠意十足的湯水。
刺身方面，鮑片和玉子一直是我最愛。呢度既玉子好特別，是正方形粒狀，又厚身又甜，燒到好香口。而且刺身都好新鮮。
平日食放題我也不會咁早揀壽司，但呢度的壽司名改得好吸引，單是想就已經垂涎三尺，所以也不禁點了幾粒壽司。火灸海鰻，岩鹽燒三文魚，鯖魚，蟹棒等。另點了創作壽司：蟹籽腐皮。鰻魚肉鬆菠蘿卷。
炸物：真係即叫即炸，每件都熱騰騰的～
呢個叫料理十勝牛乳水餃鍋，又係因為牛乳而點的，餃子泡在牛乳鍋中也嘗得出煎的香口的口感，雖然咁大盤，但我都可以吃光光所有水餃。
材料十分足料，鍋有七八隻餃子和雞脾菇，菜和金針菇，餃子的肉味不會好重，但充滿陣陣的菜香味，混牛乳湯真係一流。
燒物：鹽燒雞翼，焗廣島蠔，燒多春魚，鹽燒鯖魚，七味香蒜茄子，燒龍脷柳，燒豆腐，全部都好入味，完全不用醮任何醬也可以食得出食物的鮮味。不過最驚喜係茄子，味道層次豐富，有七重口味呢，拍得住大排檔燒的高水準。
最期待的時刻到了，每逢四五六日相撲手都會請師傅開吞拿魚，表現一下刀功。
我都不甘後人，但原來一碟三件都超厚身！食落好鮮甜，又無根，有入口即溶的感覺。
排完隊觀摩完畢，打算又密密食，誰知餐廳又突然敲鐘，笑說有生蠔剛剛由日本空運抵港呢！很多食客也藉機去排隊取蠔，一人生三隻，如果不夠仲可以再去排隊呢！
（在點刺身時，也嘆息為何剛巧沒有生蠔，想不到竟然可以滿足食蠔呢個心願！！）
同一般任食的Gelato不同，呢款生蠔海水味不會好重，但勝在蠔鮮味重，又夠爽口，贏曬～
想不到驚喜真係一浪接一浪！餐廳突然漆黑一片，原來在場有兩位食客同時生日呢，餐廳準備了一個特製又高貴的生日蛋糕--特製白拖羅Cake，生日蛋糕係用藍鯨白拖羅最昂貴的部分製成。（下次生日一定要來！食左呢個可翻本！）
最後，我們還嚐了餐廳是日的朱古力燉蛋甜品作總結，畫上一個完滿的句號。
性價比頗高的一頓豐盛日式晚宴！Nice！
餐廳：相撲手日式放題 (尖沙咀)
地址：尖沙咀寶勒巷6-8號A盈豐商業大廈2樓全層
*餐廳侍應生收碟的速度好快，不會堆積多餘食物碟在枱面，騰出空間放我們海量的食物
沒有留言:
張貼留言