今日忽發奇想，與好友下午去了食德國腸！
朋友參看了午市套餐（包餐湯／沙律），
午餐免加一，包飲品都介乎 $50-80，
價位和食物都幾岩口味，於是就試試！
餐湯夠足料又新鮮，但蕃茄偏酸...
果汁散點 $28@1
熱情果汁是橙色那杯，帶點爽快又清涼，幾好飲！
番石榴是類似西瓜色，飲落會酸酸地，超開胃！
德國腸配忌廉薯蓉 $64
德國腸是空運到港，三款口味梗有一款岩心水，
香煎的脆皮吃落好香口又燶燶地，最緊要是熱騰騰！
最鐘意司華力腸香脆皮，厚肉又夠多汁；其次是雞肉腸，好有肉味的！
另外腸底下有軟綿綿的薯蓉，蘸下旁邊的蕃茄汁又是另外一番風味！
伴碟的配菜亦毫不遜色，
炒到香噴噴的茄子、翠玉瓜都好好味！
傳統西班牙海鮮飯 $238
被插在飯中央大隻又厚肉的虎蝦吸引，肉質爽脆，
又有大量海鮮作裝飾，成了一客不折不扣的風情飯！
在青口、魷魚卷和帶子的伴襯下，海鮮飯的份量更多。
甜品點了傳統德國蘋果卷伴雲呢拿汁 $88
蘋果卷批的甜膩度總是可以滿足我的口味，
即叫即製，出爐時熱騰騰，外層的酥脆度十足，
幸好雲呢拿汁是另上，脆皮不會因而浸腍。
配上釀滿蘋果蓉的內層，真是融化了我的味蕾！
焦糖燉蛋 $42
外層撒上糖粉，與平日的法式燉蛋類同，
但在味蕾間會滲出榛子的口味，帶點顆粒的口感。
蛋嫩細滑，可以逐層片出來，嚐得出內層好滑。
Schnee German Restaurant
地址 : 筲箕灣筲箕灣東大街28-40A號東興大廈地下1號舖
電話號碼: 2795 1616
營業時間: 星期一至日: 12:00-15:00; 18:00-23:00
沒有留言:
張貼留言