又要碌一碌開飯網，在朋友堆提議聚會地點。
為了增添節日氣氛，門外已經擺滿禮物和掛滿裝飾物，
節日氣氛濃厚，未入去已經感受到好 warm 的感覺！
登打士街廣場樓上的食肆林立，一於搵個地方聚一聚！
呢間餐廳的環境比一般樓上咖啡店更 grand 更寬闊，
想不到近窗位置會有沙發位，吃飯聚會時都好舒服。
總是將 Infinity 與白色連貫在一起，是因為白色看上去比較boundless？
餐廳主要以純潔無瑕的白色為主色，影相時都會覺得燈光和環境都幾夾。
沙律有兩款，考慮到素食者需要，更設有素菜沙律。
個人比較喜歡 水耕菜鮮果沙律 （素食） $78
可揀醬汁：黑醋或者麻醬
為了突出沙律蔬菜的鮮味，一於要黑醋。
第一次食到如此鮮嫩的沙律！
想不到水耕菜是咁鮮甜，沒有多餘的添加，好清新！
鋪滿已去皮的橙片，黃紅椒條，田園風即時Up!!
鮮帶子虎蝦青蘋果沙律 $118
喜歡虎蝦及帶子的配搭，但青蘋果有少許酸，
加入小蕃茄木宿牙，少許甘苦味，但滿載小清新。
主菜－意式煙肉蛋汁意粉 $78
攪拌中間隻雞蛋後，意粉的蛋醬汁好濃郁又香，
意粉都好夠份量，麵條的香滑程度豐富。
黑松露油炒鮮帶子虎蝦意粉 $108
三粒香煎帶子鋪在意粉上，顯得帶子更肥美鮮嫩，
而且虎蝦又超大，調味好夾，但意粉帶點乾身。
可另加配料，但純粹的牛角包都好脆卜卜
旁邊有沙律和黃椒絲，吃落不會咁heavy!
飲品的名都以童話世界名命，要店員介紹下先揀到
藍莓茉莉冰沙 $49
肥嘟嘟的杯型份量十足，傾計吹水好襟飲，
添加了藍莓、茘枝和菠蘿，酸酸地又清新幾好飲！
花香滿載，充滿童話感覺～
甜品點了心太軟：
Haagen Dazs 士多啤梨雪糕心太軟 $98
心太軟好軟綿綿，而且雲石碟好夢幻好靚！
碟上的彩漿色彩繽紛，裡面的朱古力漿好濃郁，
配上士多啤梨忌廉，這客甜品好豐富～
飯後嘆杯 70% 可可曲奇咖啡 $48
伴有曲奇餅和忌廉裝飾，又有煙煙軔軔棉花糖，
呢杯咖啡的朱古力甜度適中，有啡又有朱好味！
Infinity Workshop Cafe
地址 : 旺角登打士街43H號登打士廣場5樓全層
電話號碼: 3956 9117 / 6349 9278
營業時間: 星期一至日: 13:00-00:00
沒有留言:
張貼留言