出糧日這晚與好友齊齊孖住開餐！
大家一致選了個 Set menu $468/2
因為有西餐基本四序：餐湯、前菜、主菜和甜品。
一般餐廳只會提供又稀又淡既無味紅白湯，
但這裡的特色餐湯卻已率先挑起我們的胃口！
湯碗比飯碗還要大，用特大號來形容份量，超滿足！
蘑菇湯和南瓜湯相比，實在是難以取捨，
所以各點一個來試試，果然兩個都好足料！
黑松露味道會在口腔中隨之揮發，久久不散，好香。
但兩者之間，一致認為南瓜濃湯仲好飲，大獲全勝！
餐包焗到好脆又輕盈，配上餐湯好好味。
先將南瓜打磨成新鮮的purée ，
用湯匙一舀起，湯蓉會較杰身，
啖啖都好清甜又濃郁，自然的鮮甜味，
好耐無飲過咁正宗又有「重量」的西湯。
精選拼盤小食的份量雖然有點細，
但每樣都有板有眼，而且挺好味！
焦糖單骨雞翼的份量太細，由兩隻幻化成四小件，
但雞翼由頭到尾都蘸滿蜜糖，食落好入味又好甜。
西班牙黑毛豬火腿薯蓉炸丸
凡是炸物，蘸上沙律醬都會多份滋味。
撒上香草作伴碟，賣相更為吸引。
西班牙黑毛豬頓成餐前的煙肉卷小食，
香草菜更突顯到火腿本身的咸香...
羅勒野菌薄餅比平日的薄餅更纖薄
中央的芝士漿拉絲效果強勁，愛好芝士的不二之選！
夾雜粒粒濃郁蘑菇和沙律菜，全屬菇濃又清新之選，
邊位好脆又有點香口的燶，好似芝士熔岩般的脆層。
黑松露醬炒鮮什菌寬條麵
忌廉味濃郁，又有陣陣黑松露香氣混雜在麵條，
快炒的寬麵好惹味又有獲氣，海鮮成了最佳的配搭。
甜品有每日精選窩夫或者精選蛋糕等等，
想不到窩夫是心型，賣相精緻，影相一流！
脆皮又搓到好薄身，完全不是粉漿，有驚喜！
中間有煉奶、棉花糖、朱古力、曲奇碎，口感更豐富
旁邊還有雪糕筒，內藏雪糕，見到呢客甜品都很開心。
套餐會跟餐飲，若特別飲品要另加錢升級。
Espuma
地址 : 尖沙咀厚福街8號H8 2樓
電話號碼: 2739 2080
營業時間: 星期一至日: 12:00-23:30
沒有留言:
張貼留言