唔試唔知係寶．輝記雞煲火鍋 (觀塘)

最近無線有個介紹街市的飲食節目，
挑起我膽粗粗去發掘街市美食的慾望。
有時有時真是「禾稈冚珍珠」，唔係試過都唔知！
有機會一試愛上，從此成了與飯友的聚腳點。

除了買餸，部分街市的頂層是熟食中心，
提供價錢超值又美味的食物選擇，真是唔試唔知係寶！
以瑞和街街市為例子，原來街市樓上有大排檔和餐廳，
適逢天氣冷，於是便順勢來個雞煲火鍋去保暖身心吧～

胡椒酸菜 雞煲 $188

第一次食以胡椒和酸菜為主打的湯底，
想不到兩者都好夾，撞岩是酸菜迷都會一試愛上。
湯底有胡椒香味，重點是滾到好入味，
而且食到尾，雞肉仍然好滑，不會「諧口」。

火鍋的配料都好大件夾抵食，
兩位食到飽飽，不需加一，
又有不錯的服務，與家人都食得好開心～

元茜 $23 先落在火鍋湯底用來調味，會份外甜和新鮮。

唐蒿 $23 用來打邊爐，先食蔬菜打底是常識！

響鈴 $30

一份有7件，浸幾秒即刻撈上岸，
湯汁會吸啜在炸響鈴卷裡面，好入味！

脆肉鯇魚片 $60

鯇魚片好爽脆又滾得，十分襟撈！

 魚片不會爛，但食的時候要小心骨絲，
平日最愛食魚的朋友必定不可以錯過！

墨魚 蝦滑 $68
自製的墨魚粒粒好彈牙又有嚼勁

芋絲 $24
在網上見到有人分享打邊爐的攻略，
芋絲在火鍋界中算是低熱量又好味的。
當然不會錯過！又再一次讓我覺得好抵食，
因為一碟真是有原盒的份量，沒有偷工減料！

炸魚皮 $27

呢一碟應該係我暫時食過最抵食又大碟的炸魚皮，
好足料！大塊之餘又脆卜卜，新鮮無油溢味。

留意到有不少枱都是熟客仔，人情味濃濃的，
而且想不到會主動幫手換碟，服務都幾周到！

輝記雞煲火鍋

地址 ： 觀塘瑞和街9號瑞和街市政大樓4樓

電話號碼： 5941 9996

營業時間： 星期一至日: 12:00-15:00; 18:00-23:00