所以不時都會發掘到不少隱世開飯地點。
呢間餐廳採用日式居酒屋設計，比較開揚，
而且有膠窗簾擋隔，大大聲傾計不會怕嘈到隔離枱。
氣氛好適合談心，環境感覺舒服休閑，
酒精類飲品挺豐富，有生啤、果酒、清酒、梅酒，
最好飲番杯酒去調和一下煩躁的心情。
非酒精類有角打特飲，味道都幾特別，
有檸檬、蕃茄、巨峰、桃、乳酸、蘋果等等。
餐牌是手寫的，型格黑色的字體超有氣勢的，
食物大致分為日式風味的生魚片、下酒菜、
串燒和天婦羅，即叫即製，看來質素也有保證。
抬頭有捕魚格網，仿如將海洋的新鮮風味都帶到店子，
牆身掛滿多幅日文寫成的菜牌和掛飾，具有復古風味。
無酒精的巨峰特飲有超濃的提子香味；
乳酸味那杯會酸酸地幾開胃，好味又有益。
八爪魚刺身肉質好軟又有嚼勁；
墨魚刺身好爽夾滑，其鮮味最好是不用蘸醬汁都品嚐到。
三文魚腩好肥美，加上厚切又有冰鎮效果，好新鮮！
時令海膽，好鮮甜不會有腥味，包住紫菜，一口一啖！
關東煮都幾深得我心，一串蒟蒻有四粒，好入味又健康；
而魚餅大大塊，像質爽口彈牙；芝士 Wasabi 獅子狗卷夠特別，
湯裡面有昆布豆腐湯的香氣，入味暖胃。
餐牌上一共有22款天婦羅，最愛蟹爪 $22
蟹爪多肉又鮮甜，性價比都幾高，
外層的脆漿好薄身，蘸上天婦羅汁，入口仍保持酥脆。
上枱時用隔油網隔去多餘的油，膩感大減，
而且油溫不會過猛，將食物的鮮味緊緊鎖住。
海膽毛蟹 ($68)
原來毛蟹好薄又脆，一不小心就好易弄碎蟹蓋，
裡面的蟹肉不算多，但勝在啖啖肉都好鮮美多汁。
有海帶鋪在底，毛蟹肉配上海膽點綴，份量絕不戲場。
厚厚的蟹肉配上鮮甜海膽，帶點燒香的效果，很不錯。
日式炸物是少不了的，大愛蟹肉忌廉餅和南瓜餅，
前者的焗酥口感真是色香味俱全，大塊又帶絲絲蟹肉，
後者的質地豐富，又帶香濃的南瓜香氣，難以抗拒！
除了以上的推介，也帶不少私心的小食推介，
如煙韌芝士年糕、凍芝麻豆腐、海哲絲。
燒物中最為亮眼的是牛油粟米和雪魚片干
其中也帶不得不食得松菜蟹海膽燒和帆立貝味增燒，
雖然一件要二十大元，但是大份又好味，值回票價。
朋友也有食燒厚肉，加上店子的祕製調味功夫，
使整間店子都彌漫出香噴噴的烤肉香氣，我地忍不住了！
角打屋台 Kakuuchi
地址 : 大坑施弼街12-13號地下B號舖
電話號碼: 2504 2777
營業時間: 星期一至日: 12:00-15:00; 18:00-23:00
沒有留言:
張貼留言