私房菜單—以鮮取勝．榮哥廚房私房菜 (觀塘)

朋友知道我喜歡吃私房菜，特意在找了間餐廳吃飯，
當晚的私房菜單是由老闆榮哥精心為每位客人配搭，
每道菜式都別具心思、製法獨特，突顯食材的新鮮。

有機沙律菜伴芝麻醬

沙律菜伴有足量的麻醬，用來提鮮，但不會好咸，
整體食落酸酸地好開胃，想不到前菜已經咁出色。

涼拌鮑魚菇 涼拌黑木耳

醬汁少許酸，但更突出其爽口的感覺。

茶燻流心蛋伴黑魚子醬配厚切茄子

伴花裝飾構成一幅美麗的圖畫，與流心蛋融為一體，
微微香煎的茄子是底座，這個組合好新鮮又好吃，
加上醬汁特別，內有切到碎的芫茜、蔥，更香口惹味。

原盅燉哈蜜瓜螺頭黑毛豬肉湯 位上

湯品用了最簡單的製法，燉出哈蜜瓜清潤又甜的味道，
原盅燉螺頭鮮美十足，內有龍眼肉調味，更顯細膩。

蝦球水芙蓉

利用切到好幼身的薑絲作裝飾，瞬間覺得好像蛋絲花，
蛋漿慢慢燉到半熟狀態，使大蝦可鎖住其鮮甜和爽脆，
加上蛋白入口好滑潤可口，有睇頭又夠心思！

香煎北海道帶子海中寶

Dressing用甜酸醋畫花，加上切粒的紅黃青椒相襯，
伴碟黃蕃茄好特別，整碟都色彩繽紛、好奪目！
底下有兩塊爽口青瓜片，而蒸蝦膠釀了栗米粒，
這道菜吃起來尤其爽口彈牙，別有口感！

遠年新會陳皮骨

製法簡單但最傳統，排骨煙燻到好香口，
肉質充滿濃郁的陳皮味道，別有一番家鄉風味！

鮮魚湯浸碧綠溫室菜苗

點上兩粒杞子點綴，外形別具一格，
整整一棵菜苗好天然、清新，配上清淡的湯底，
更突顯出魚和菜的鮮甜滋味。

荷香蒜蓉海斑片原籠蒸鴛鴦飯

拌勻籠內蒸飯時候，陣陣荷葉香味隨之而來，
最欣賞海斑片的肉質，做到入口即融，又夠入味
從飯粒中滲出陣陣海斑片和蒜香，認真鮮香十足，
白米混合了健康紅糙米，更添口感滋味，又飽肚。

飯後的兩款美點，表示雙雙對對、團團圓圓的意思，
朋友最愛中式的蕃薯糖水，薑味濃烈，暖心也暖身，
而我則愛熱騰騰、剛剛炸起紫薯炸波，紫薯味道香濃。

2人餐 $328/位

榮哥廚房私房菜
地址 : 觀塘觀塘道436-484號官塘工業中心3期4樓L室
電話號碼: 2345 6389
營業時間: 星期一至日: 11:30-23:00 歡迎預訂星期一至日私房菜