脫穎而出的火鍋餐．一鍋豐 (旺角)

創興廣場食肆林立，有時為了脫穎而出，餐廳都各出奇招，推出不少大件夾抵食又吸引饕客的套餐，這夜與朋友就被優惠打動衝去打邊爐。

環境比想像中大，而且座位間隔都好寬敞，不會食到好逼，完全係可以暢所欲言又不怕會吵親隔離枱。醬料和飲品均採取自助形式，食客都可以自行調配喜歡又合心水的醬料，為食物帶來多一份滋味。

三個套餐、任君挑選，誰說只帶二百蚊預算不可打邊爐！但一場來到，朋友建議吃象拔蚌海鮮火鍋餐，而且可以任點三文魚、吞拿魚、油甘魚、劍魚腩、立魚、八爪魚日本帶子、海蜆，真是聽到都食指大動！

甫坐下侍應先介紹湯底，而且不時換碟和加湯，服侍周到，都算幾健談。
$288 湯底有兩款：馬來喇沙大頭蝦鍋和川弓天麻大魚頭鍋，據我所知，川弓對女性具有保健作用，活血祛瘀、補血，而且湯底用大魚頭煲成，香氣撲鼻。另外有10款，比較特別的是清湯蘿蔔牛腩鍋、南瓜蘋果魚湯鍋和胡椒銀杏豬肚湯。

另一張點餐紙可以任畫任點，如：肉眼筋、墨魚片、雞子、牛腩、豬天梯、白鱔片、頂級肥牛粒和手切頂級肥牛，食肉獸可以狠狠地吃一回！餐廳提供多款菇類，如靈芝菇、雞髀菇、金菇、鮮冬菇、茶樹菇和秀珍菇，初期放湯泡吸精華，到後期會更入味。

可享一次性海鮮來頭不少，多達八款呢！份量都比預期多，一開始自助點菜時都要留有一手，以免到時候太飽食不完。

東星斑的肉質鮮嫩又滑溜，白焯都好好食！另有殼蠔、珊瑚蚌、桂花蚌、聖子、象拔蚌仔、鮑魚仔等，一次豪食幾款海鮮，實屬抵食之作！

落單任點的丸類種類都有不少，推介手打蝦丸、手打鯪魚丸、手打墨魚丸；另外有多款丸類，芝士雙響丸、龍蝦丸、海膽丸、墨汁墨魚丸、貢丸，全部都按人頭數計。

若肚子仍有空位，記得要吃雪糕，近門口位置還有軟雪糕機，喜歡甜食的朋友千祈唔好錯過！

餐廳任飲任食兩個半小時，時間十分充裕，不會吃到好急，最後還剩半小時呢！
在收銀處旁聽到...由 26/5 起，六人同行五人收費，即時又抵食左，下次有機會約埋班朋友再去！

一鍋豐 

地址 

旺角彌敦道593-601號創興廣場18樓

電話號碼

2771 8833

星期一至日

17:00-03:00