一貫舊店作風 但更勝從前．Seoulmate Cafe (銅鑼灣)

好開心、勁興奮！早前食貨朋友同我提及西環Seoulmate 搬鋪，原來係搬到去人氣旺盛的銅鑼灣，以後覓食又多一個好去處了！

店內裝飾充滿韓國文化濃厚的色彩，有穿起韓服的布公仔、韓國扇子，連枱上放紙巾的袋都是充滿韓國特色！

露天Area 一貫舊店作風，但環境更勝從前，更寬敞又多左一個千秋架，唔洗等到頸都長！同另一半或者閨蜜一起相信會狂拍照。當置身在千秋椅上，仿如走進世外桃源，可以與朋友分享美好時光。

想不到這間原本守在西環的韓式咖啡店搬到銅鑼灣京都廣場後，菜式和飲品選擇比以往更多元化，重點係味道和賣相有驚喜，已經打算下次與朋友慶生再去！

舊seoulmate 雲下泡菜炒飯 $128

雲海其實是蛋白，下面隱藏住惹味泡菜飯，用上韓國肥嘟嘟的珍珠米，口感豐富。老實說，當要切開那刻，真的有點捨不得的感覺，但蛋白空氣感十足，好似切極都未切到。當確定切穿那刻，中間的太陽蛋已經被我刺破，蛋漿如湧泉。泡菜一舊雲的飯足夠一個份，加配一杯咖啡相信會是不錯的晚餐！

海鮮魚子忌廉意粉 $188

這個海鮮意粉一點都不普通，用上大量搶眼魚子作伴碟，也有蝦、魷魚、小蕃茄和青提作裝飾，率先吸引了視覺享受。

最欣賞其醬汁濃而不膩，而且扁意粉都幾彈牙，十分美味可口。唯一的缺點是有點小貴，與朋友一起分享可能會比較經濟實惠。

紫薯泡菜Pizza $108

9吋就可以嚐出酸辣口感，還有朋友至愛的紫薯作批底，實在使她為之瘋狂！

飲品真的超推薦，由韓國 Oppa 沖泡的，又靚又好飲，
推薦熱摩卡烤自家製棉花糖、凍紫薯拿鐵。

凍紫薯Latte $48

雖然點了冰凍的，但冰融化了，紫薯味都是十分濃郁，這是否叫...要怎樣都不可阻擋它的光芒！？朋友很愛紫薯那種「穩重」又不造作的味道，她都讚口不絕呢～

熱摩卡烤自家製棉花糖 $52

咖啡師的手藝真的不錯！將棉花糖凝結成一團，當用杯匙去挖，裡面的mocha猶如朱古力噴泉般湧出，實在是按耐不住！要靠不斷飲和啜才可以Hold住！

大家都要有心理準備，棉花糖比較甜，飲到一半要投降了，但飲起來真是十分smooth! 這杯是我飲過最喜歡的Mocha 之一，相信甜控也會忍不住想試。

砵仔拌綠茶芝士mousse 蛋糕 $78
甜品一定要試二人用既砵仔拌綠茶芝士慕絲蛋糕，每啖都散發出好香濃既抹茶味，賣相色彩繽紛，單是睇已經心情大靚。

兩人分享的甜品最開心，一大個水果盆，有吸晴紅噹噹的士多啤梨、補眼有營的藍莓，最吸引的日大桃的荷包蛋。蛋糕是由三層的慕絲、忌廉和綠茶蛋糕組成，一啖已經食到好香抹茶味，伴有紅綠碎碎，色彩繽紛，使人心情大靚。用上砵仔，帶出新舊交融的概念，為甜品加添一份懷舊，再展魅力！

在戶外地方一邊欣賞周圍的景色和閒晃的氣氛，一邊嘆咖啡，相信也會用上一個下午！

Seoulmate Cafe
地址
銅鑼灣駱克道491-499號京都廣場4樓
電話號碼
2104 6788