朋友心思思想去打邊爐，做朋友當然義不容辭！
感覺上，整條數目會「打和」，豪食都無可厚非！
秋冬時節又是打邊爐的好時機，
今晚去到連洪金寶明星也來光顧的火薈！
平日經常與朋友相約在花園街逛街，
都是第一次在附近打邊爐，卡位坐得好舒服。
醬料有六款，有例牌的蒜、蔥、辣椒和花生醬。
其中最讚的是花生醬磨得好香又滑，重口味之最。
餐廳有多款湯底提供，揀選了自選鴛鴦湯底火鍋中的順德鮮魚湯 $98 ，
視覺上與清湯差不多，但飲一啖個湯底會品嚐到鮮魚的濃縮湯汁。
鍋內的配料都十分豐富，有勝瓜、豆腐、冬菇、蕃茄 、魚卜，是正宗的順德風味。
肉類有豬、雞、牛可供選擇，
見到門面寫上不少精選和優惠的火鍋配料，
如店子招牌的日本黑豚肉原價差不多 $138，
剛巧正在做推廣活動，當然不可以錯過了。
絕不嬉場！佈滿一整盤的黑豚肉色澤鮮豔，看起來十分新鮮！
而且師父的刀功很厲害，片片都切得十分薄薄的，滾幾滾再食，
肉質十分有煙軔有彈性，一個人吃一盤都無難度！
大食朋友不夠飽可以點自家制手打丸類及餃類，
因為試了墨丸、蝦丸都覺得不錯，好新鮮！
不想打邊爐咁熱氣於是點了有點像竹庶矛根的紅蘿蔔栗米，
一壺足夠兩個人share，飲落好清潤又清甜，連渣食都仲得！
首先品嚐了佐酒小食 @ 醉香脆豬手 $48
豬手好脆爽，啖啖都係肉，味道食落似白雲鳳爪，但會滲出微微酒香。
雜菜藍 $68
集合多款打邊爐的田園蔬菜拼盤，
先落娃娃菜吸下順德湯底的魚湯味，
喜歡食菜的朋友也不會失望，
仲有小蕃茄、小白菜、金菇、菜心和蓮藕片，
一盤過有足六款「菜」式款待！
生猛海鮮火鍋薈 海鮮拼盤 $398
用了海量冰塊冰震海鮮拼盤，十分新鮮，
場面又相當壯觀，皆因充滿心思創意的！
留意到師父在盤內增添了不少裝飾，
如用切片青瓜堆砌成花朵盛開的樣式，
又以麥米和楓葉來襯托這趟海鮮盛宴。
我們率先被四隻插在大盤、非常有霸氣的大蝦吸引，
也留意到海鮮的確非常鮮嫩、肥美又豐富！
數一數，有多達十款的海鮮和丸類，
如海膽、墨丸、蝦丸、魚蛋、冬風螺、大蜆
海鮮底下也用上蘿蔔絲做花裝飾，相當有心思！
為了確保新鮮度，大盤底下有海量冰塊，
食到最尾走人都仲有好多冰⋯⋯
橙色的珊瑚蚌 好似魷魚筒，有彈性又煙軔。
蚌好易嚼又彈牙，重點是不會有渣，少有！
脆肉鯇魚的魚塊超彈牙好厚肉，夾起又不會散，最岩打邊爐！
巨蠔認真滑嫩，一啜入口就在口腔中滑過，
無帶腥味次餘，又帶點海水的新鮮味道，好正！
火薈中日火鍋
地址 ：太子花園街239號嘉慶苑1樓
電話號碼：2338 7886
營業時間：星期一至日: 17:00-03:00
沒有留言:
張貼留言