無限時任飲任食海鮮火鍋．醉翁亭 Zeui Yung Ting Hotpot Cuisine (銅鑼灣)

醉翁亭火鍋館出名火鍋和私房菜，最近便與朋友一起試了其無限時任飲任食海鮮火鍋。星期一至四成人每位 268 另加一，但套餐有刺身拼盤、海鮮盤、 牛魔王最愛的醉翁亭牛頸脊、至尊水餃王，連鮑魚都有得食，好豐富！每晚九點後入座更有八折優惠，但隔日要番工都無福享受，唯有夾岩放假再預約與朋友一起來吃。

環球海鮮盤以冰鎮保鮮，兩人份量的睇頭都不錯，有兩隻青口、四隻蝦、兩只蚌和切片脆魚。

最欣賞醉翁亭至尊水餃王，巨型的餃內藏有三隻大蝦，食起來爽口彈牙，又有口感層次，真的很新鮮！

蠔皇扣鮑魚夠軟腍，最後蘸點蠔汁食伴碟的西蘭花和冬菇。

刺身拼盤有四款：三文魚、吞拿魚、希靈魚、北寄貝

湯底有數款，有粟米蕃茄、秘製沙嗲、鴛鴦鍋、芫荽皮蛋、重慶雞窩，另加$80可配龍蝦鍋。

避免熱氣，還是揀清淡的冬瓜瑤柱鍋，配響鈴和山水豆腐吃都幾清淡。

任食配料有美國肥牛、羊肉片、黑豚肉，吃肉獸或暫男生應該可以掃幾碟。

比較喜歡海產的人則可試鹹淡水鱔片、脆肉鯇骨腩片、新鮮魚嘴、新鮮魚卜等。脆炸魚皮無想像中般脆，反而有點失色。

有大量自助的蔬菜和丸類，其中魚皮餃、真菌野菜餃、巧手韭菜餃、白菜餃四款要用冰箱冷藏，若拿了就盡快食用，否則放太耐外皮會腍。

自助沙律只有生菜椰果菠蘿和西瓜，若多幾款前菜小食會較吸引。

點餐紙上的丸類有四寶丸、鯪魚丸、自製墨魚丸、手打魚滑，試了後兩者，比較推薦墨魚丸，的確有咬口又彈牙。

另有收費食物，例如龍躉、水魚、桶蠔、花膠、手切肥牛、桂花蚌等等。

飲品有淡的茅根水(?)和汽水，甜品驚喜不算大，雪櫃有桂花紅豆汁糕和西米綠茶糕點，另有熱食番薯芋頭糖水或雪糕。

醉翁亭
Zeui Yung Ting Hotpot Cuisine
地址
銅鑼灣告士打道311號皇室堡14樓
電話號碼
35231368
星期一至日
11:00-00:00