早前去左新蒲崗工業大廈同成班朋友玩running man,
意猶未盡既我仲去埋以running man為主題的韓國餐廳開餐。
這間Gangnam oppa 的gimmick和玩味十足，
一出lift口，就見到有不少道具。
遠看在牆上又有水槍，搞笑鬼馬肖像畫，場景照
和韓國節目Running man 成員的介紹等，店內正中間又有得意手繪畫，韓文句子。
在看餐牌，還聽到不少耳熟能詳的韓文歌，勾起我唱k的念頭。
侍應生係韓國人，仲著住不同顏色的運動服，game味十足。
枱面有個木牌，舉牌叫oppa 或者soju, 好得意。
Free flow小菜：栗米，類似橋頭酸酸地的小蘿蔔和泡菜
芒果啤$68
完全係圖文不符，以為有好多芒果粒。
但口感都幾特別，飲得出加入了微微芒果漿的味道，夠曬大杯，
學韓劇話齋，啤酒配炸雞最岩，情侶可以share來飲。
Menu
最搶眼的就是芝士半鐵板$268，主要分為三大areas: 辣炒雞+大豆芽炒豬肉+辣炒魷魚。
鍋底下有個爐會滾燙住鍋上的芝士，不消一會，芝士浴就隨即滾起，
幸好有錫紙鋪鍋底，所以個火長開都不會痴底。
同朋友一直在半空中玩轉芝士，d芝士分量真係好多！
可追加芝士或飯 +$15／$20
不得不說，魷魚混合大量蔥粒，超香口。
甜辣醬炸雞$178 $100／half，
因為個芝士鍋份量驚人，我地只點了半份炸雞。
但其實半份都有好多件炸雞，細吃千萬不要挑戰自己的極限。
炸雞配薯條的組合永遠不會讓人失望，粗幼薯條和薯角相併，
蕃茄汁佈滿在椰菜堆，香口又美味。
炸雞沾滿甜辣醬，真係好惹味香脆。
椰菜，小蕃茄和西蘭花在旁邊中和油膩感。
雖然只點了兩個主菜，但係分量真係好多。
一口芝士、一口啤酒、一口炸雞，太"好玩"的晚上～
Gangnam OPPA
旺角彌敦道726號10樓
沒有留言:
張貼留言