環境寬敞舒服的西餐廳．Cafe Hillywood (尖沙咀)

願意走入橫街小巷，總會發掘到新驚喜。
這間在佐敦柯士甸道的餐廳比較隱蔽，座落在地庫，
如果發緊夢一定不會留意到它的存在。

一拉開兩扇門，再落幾級樓梯就見到有一大班人在壁畫前影相留影，
構圖色彩繽紛，又畫得生動逼真，難怪這麼多人都圍住影。

環境寬敞舒適，但在沙發位置的燈光會比較暗一點，
睇餐牌需要打燈和影相效果會有點差。
下次再來會考慮坐在另一邊比較光亮的位置。

餐牌只有簡單幾頁紙，細分了三大類別：
1. 小食沙律 Snack salad
2. 肉類、薄餅、海鮮 Meat pizza seafood
3. 意粉、意大利飯 Pasta risotto

[Salad] 凱薩沙律 $78
Romaine, cherry tomato, rosted bread cube,
那些方型粒粒麵包 crumbs 真的好脆，
食落有陣香草味。

混了很多的自家製的沙律醬於沙律，
與切絲的Parmesan芝士&生菜完美融合，
夾雜車厘蕃茄更添小清新。

另加+ $20有三大片好香又有光澤的煙三文魚，
肉質鮮美又大塊，一定要加！

香燒三色大波特菇 $98

色香味俱全，三款口味都有驚喜；
尤愛中間綠色鋪上淡味的蒜粒青醬的菇，
醬汁不會太重口味，可以突顯到菇本身的鮮甜！

香燒製法好惹味，吃落又稔身，是軟綿綿的菇。

另外，紅色的是鋪上蕃茄醬的香菇，酸酸地，
吃到一半意粉，再吃這個口味的菇真是好醒味蕾！

最後黃色的是加入了芝士碎的菇，略嫌不夠芝士呢，
但都做到少許的拉絲效果，加多一點芝士就仲好吃！

招牌海膽意粉 $138
海膽的鮮味十足，吃出新鮮的味道；
意粉醬汁豐厚，每一口都會散發出濃郁的香味，
而且麵條中間混了鮮橙色的海膽在會顯得精緻～

黑松露野菌意粉 $118
超多黑松露沾在意粉上，野菌的香味突出又濃郁，
又不會蓋過意粉本身淡淡的蛋黃香味，
與友人每人一口，很快就清碟～

Drink 飲品點了Very berry breakfast $55

入口是 Berry 的酸味，酸酸地尤其醒胃滋味，
混雜多款莓子組合，有藍莓、士多啤梨和野莓。
飲落又有少少似奶昔般幼滑，
底下有香蕉蓉，每一啖都有粒粒果籽，口感豐富。

薄荷茶 $28

這杯的薄荷茶的「清涼味」極重，
陣陣醒鼻的薄荷香味讓人心曠神怡，
用來消濟和醒神最岩！

當晚大約六點幾到餐廳，早已經有一半滿的入座率，
加上有多張大枱，中央有張十人枱，
可容納多台食客。晚上時間，侍應生都顯得十分忙碌。

Cafe Hillywood
尖沙咀柯士甸道152號好兆年行地舖