日式料理外賣．名品刺身壽司 (深水埗)

最近在深水埗光顧了一間日式料理外賣。
從觀察所得，發覺客人外賣居多，
因店子面積不算大，只可容納大概10個顧客。

門面大海報印咗精美的壽司、刺身、手卷等圖片，
門外亦有展示店子所售賣的刺身，使人眼花繚亂。

加拿大海膽刺身一板 $198

DIY Time~ 每一板的海膽刺身都會附上飯糰和紫菜，
可以自己動手去 包出屬於自己的加拿大海膽軍艦！

或者直程豪食海膽，當是一個sashimi，諗起都流口水～

每一件海膽刺身平均有3吋長，件件都肥美厚肉，
吃落鮮甜，又無腥味，散發出陣陣海水的新鮮味道，
配上金黃的色澤，好吸睛，雖定價偏高但物超所值！

海鰻壽司 2件 $18
拖長的海鰻在飯糰上休憩，配上日式醬汁更惹味！

蒲燒鰻魚飯 $58
鰻魚經火灸和燒香，表面的色澤十分吸引，
一咬落去件鰻魚就食到啖啖肉之餘，又有燒汁的惹味。
飯粒都採用正宗壽司米，所以吃落幾軟糯，顏值和好味程度都不錯！

香蔥吞拿魚腩小卷 六小件 $25
總不想空肚而回，一定要點幾件小卷品嚐一下，
香蔥尤其出眾，內藏的吞拿魚腩十分清淡，點一點醬汁比較好。

名品刺身壽司
地址：深水埗桂林街48A地下
電話號碼：2708 3998
營業時間：星期一至日: 12:00-02:00