絕無嬉場的「橫浜」拉麵． 豚燻 (銅鑼灣)

在銅鑼灣吃拉麵總是離不開一種文化—就是要排長龍，
雖然最憎排隊，但我通常正正會揀人流絡繹不絕的日本拉麵店，可以減低「中伏」的機會！

呢間拉麵店門面的大旗寫上「橫浜」兩字，十分搶眼！

打正旗號是採用煙燻方式去祕製叉燒，
而且開正在一蘭拉麵隔離，於是心思思約埋朋友來試試。

店面積小，絕對需要排排坐，
採用開放式廚房的設計，
一抬頭就見到師父在煮拉麵，感覺都幾特別！

味噌拉麵 $108

豚燻的技術，果然是非一般的！

祕製的煙燻叉燒用上3天時間滷煮入味，
吃落肉質肥香又好軟綿綿。

而湯底則花了12小時去處理，
配上麵條彈牙，散發出滿滿的日式風味！

雲丹拉麵 $198

雖然這客 巨型 size 的拉麵比一般拉麵的價錢貴，
但湯麵麵落足配料，絕無戲場！

海膽最吸睛，吃落無腥味又肥美，
列入大吃精選，份量不是講笑！

一路食一路在「深海」湯底撈蜆，
蜆肉肥美，有12隻之多，邊吃都十分滿足！
還有韭菜和黑木耳的配料，不想要在落單時講明～

還追加小食：
紫蘇梅炸雞 $38

無骨的炸雞吃落滿有香燻和煙燻的效果，
雞肉是外脆內軟，配上酸酸甜甜的醬汁，好特別！

燒餃子 $38

內有洋蔥、椰菜和豬肉餡，
餃子皮煎得香脆可口，想一試再試，
枱上放滿醬料和筷子，自己可任添炸蒜片～

原來拉麵揀硬身的比較好，

麵條會隨時間而變腍，一開始揀硬身，咁軟硬都可以試暈～

豚燻拉麵
地址：銅鑼灣謝斐道468號百達中心地下E舖
電話號碼：5400 6734
營業時間：星期一至日: 12:00-23:00