「客棧」開飯 品嚐南洋風味家鄉菜．樂天客棧 (大角咀)

剛巧這日去到奧海城附近搵朋友，
當然要在附近的餐廳食下飯當聚舊。
朋友偏好中式的餐館，並提議去「客棧」開飯，
印象中，粵語殘片出現的客棧都有很多撚手小菜，
於是當晚就品嚐他推介的「南洋風味家鄉菜」。

餐館有不少中式菜餚，圖文並茂，賣相不俗，
而且可以視乎人數多寡而揀選菜式的份量，
揀菜式如買衫，分 大·中·細 Size，
不用做大徙鬼之餘，又可以與朋友相聚、享受美食。

很欣賞餐牌的設計，會詳細列明招牌菜和食物種類，
食客可以很快就找到想要的湯品、冷盤小食、肉類、
海鮮 、（素）菜類和飯麵。

甫坐下，侍應生便端上栗子和花生的小食，
想不到咁入味又軟腍，味道拍得住高檔小食店的風味，
而且有段時間無食經典的花生，很懷舊的味道！

酸甜鱸魚片  細 $108

其實薑蔥/蒸魚都有，但想試酸辣口味的真·鱸魚，
連皮炸好惹味，酸甜醬汁收得好緊，但怕腥可能有機會隱若食得出。

菜類-金銀蛋浸時蔬 細 $82

份量是肉多菜少，濃湯混合了雞蛋碎和肉碎，
但其實菜式是夾雜有三種蛋：咸蛋、皮蛋、雞蛋，
最愛爽口的皮蛋，又鍾意咸香十足的咸蛋，好難抉擇。

古早魚香老鼠粉煲 細 $96

呢個古方祕製的粉煲好養眼，有六大隻爽夾滑蝦肉，
又加入咸魚醬汁，並散發陣陣香菇的濃味，好噴噴！

配上湯汁，夾雜在內的椰菜花好吸味，口感濃郁，
平生第一次食老鼠粉，有點似金針粉般輕盈和彈牙。

喇沙湯海鮮米線 $68 另加$15

店子採用了中國傳統特色的大碗盛載星洲米線，
碗上印有大公雞的圖樣，充滿懷舊的氣息。

用筷子輕輕拌勻米線，那陣椰香味便隨之飄逸，
混合泰式風味的喇沙味道濃厚，又帶點微辣惹味。
米線的海鮮配料還有鱸魚、蟹柳、魚蛋和蝦仁，
滑蛋呈流心狀，豆卜又吸盡精華，足料之選！

甜品楊枝金露 $32

有好多甜的芒果粒粒混在西米裡面，
伴有柚子，吃落酸酸甜甜，好惹味！

桂花·班蘭·椰汁糕 $32

十級喜歡呢個集結三款糕點於一身的糕點，
外型好似水晶麻雀般晶瑩剔透，明確分了數層，
一咬落去凍冰冰，又帶點 Q彈 和有層次的口感！

樂天客棧
地址: 大角咀海庭道18號奧海城二期UG樓UG09號舖
電話號碼: 2177 0760
營業時間: 星期一至日: 11:30-22:30