燒活海鮮自助晚餐．Mr. Steak Buffet à la minute (銅鑼灣)

辛苦工作一整個禮拜，終於到了Happy Friday! 雖然 晚市 Buffet 於 7點半 正式開始，但為了可以搶到頭啖湯，大家都比預定時間早到。

自助餐食物款式多，賣相又精緻，以這個價位其實不算貴，食完還覺得物有所值！一次過可以食到多款心儀又美味的前菜、主菜和甜品，真是大滿足！

自助區內劃分了幾個區域，燒海鮮那邊人頭湧湧，其中最愛芝士煙肉焗蠔和燒鮑魚，另有燒活蜆、燒美國蠔和鹽燒海蝦，encore 了幾輪都仲有！

師父一邊密密燒，新鮮度真是無可挑剔，但要一次過拎齊咁多款要等一陣子～

在中菜那邊傳來香噴噴的香氣，原來是大廚即席烹調和牛燒和香煎鵝肝配多士，夠新鮮又矜貴的菜式！

除了燒海鮮，生食龍蝦都好味，鮮甜多肉，回本之選！麵包蟹和長腳蟹肉質嫩滑，入口鮮甜，有夾和剪刀輔助工具，所以不用擔心。另有青口、蝦等海鮮，單是吃海鮮都已經飽左一半！

喜歡DIY，還可以自製凱撒沙律，伴有羅馬生菜、蕃茄和配料，如煙肉粒、麵包粒和芝士粒。最後用上多款沙律醬，如意大利汁、千島汁和蕃茄油醋汁，使胃口大開，想不到沙律都咁豐富！

沙律自助區中以芝士腸仔那款夠特別！另有辣烏冬混拌青瓜和中華沙律，吃起來爽口和清新；沙律方面最愛軟腍薯仔、甜粟米番茄、紅菜頭、蟹棒和墨魚仔，食起來健康清新。

自助沙律吧提供四款芝士，牛乳芝士、合桃芝士和番茄乾芝士，味道比想像中好吃，如用來夾餅乾和麵包麵不錯。喜歡新鮮感還可以配搭橄欖、杏脯、提子乾，使沙律生色不少。

自助餐還照顧到老人家的需要，有提供中式湯、酥皮湯和熱盤。自助飲品區備有檸檬茶茶包，另有橙汁和紅茶。

在燒海鮮旁邊有各款刺身和日式壽司，其中最喜歡玉子壽司，好甜又夠大塊。

近門口位置有好多賣相精緻的西式甜品，如馬卡龍、藍莓水果撻、拿破崙、芝士蛋糕、朱古力脆皮士多啤梨，其中撻類賣相最吸引；另有切片的蛋糕作飯後甜品，甜控見到真是心心眼！

除此之外，中式甜品有色彩繽紛啫喱杯、滑嫩豆腐花、桂花糕和大菜糕。推介 3.6牛乳布丁，滑溜又香，不可錯過！

雪糕都是任食！餐廳提供兩款貴價雪糕，Movenpick 雪糕有七款口味，Haagen Dazs 有球狀或支裝。另外，晚市的心太軟會出爐兩次，除了可添上各款甜品醬汁和彩色朱古力外，也可以請甜品師父幫忙寫下想表達但又難以啟齒的說話，最適合於慶祝周年或生日紀念。

Mr. Steak Buffet à la minute
地址 ：銅鑼灣告士打道280號世貿中心6樓
電話號碼：2881 5757
營業時間：星期一至日: 12:00-14:30, 17:00-23:00