聽朋友介紹了一間焗生蠔的餐廳，覺得一試無妨。
全港六間分店，在旺角鬧市即有一間，
地點方便就腳，最好就是晚市五點半就開始。
晚市套餐八個餐，但全部都是意粉、天使麵，
我覺得應添加飯的選擇，或者可以加錢轉會更好，
畢竟有的人真是要粒米到肚才會飽呢～
餐牌主打皇牌意粉、千層麵、小食和生蠔和沙律，
留意到另有時令生蠔套餐可供選擇，下次想試～
跟餐羅宋湯或忌廉湯任揀一
羅宋湯偏咸，相反朋友的忌廉湯幾好味。
菠菜蟹棒雜菌意大利飯 $65
顏色好搶眼，蟹棒多肉又甜，加上菠菜，整個飯都幾健康。
忌廉汁西蘭花珍珠蠔意粉 $78
當坊間買緊幾十蚊一隻生蠔，呢個飯有四隻珍珠蠔！
整體來講都好大隻又肥美，又吃不到腥味，的確有驚喜，
除了生蠔，也有西蘭花，以這個價位，我覺得都算不錯。
但配上忌廉汁一併食，我覺得有點膩，下次會考慮轉墨汁。
香蒜烤雞翼 $40/4隻
入味夠香口，即叫即烤
芝士焗生蠔 2隻 $52
這個是鎮店之寶，用「芝士交融」來形容也幾適合，
芝士和香草味濃郁，入口綿密，芝士與生蠔相互交融。
一般凍飲 $3 ，而特飲的選擇不多，而且唔算好特別，
跟餐另加 $10青檸檬金桔蜜 ，沒有苦澀味，幾滋潤。
意蠔屋
地址
旺角通菜街1A-1L威達商業大廈地下D舖
電話號碼
2601 1171
營業時間
星期一至日: 11:30-22:30
沒有留言:
張貼留言