嘆個浪漫二人餐．Okapi (尖沙咀)

要維繫一段感情或友情，一個月總要見一次！
這夜來到尖沙咀一間滿有情調的餐廳嘆個浪漫二人餐。

環境佈置早已充滿濃厚的聖誕節氣氛 ，
在露台亦有駐場結他手在表演，使氣氛隨即升溫。
侍應生會不時斟水，收碟速度快，服務尚算不錯。

頭盤先來鮮果巴馬腿沙律

在沙律面鋪上數片薄切巴馬火腿，味道帶點咸香滋味，
不用蘸上橄欖油都夠味，配上新鮮沙律更清新。
附有數片哈蜜瓜片，入口清甜又多汁，
若多加幾款水果，如藍莓、甜橙會更吸引！

芝士香草牛油焗海鮮

海鮮包括滑嫩帶子、煙軔魷魚圈和香脆大蝦，
金黃色的醬汁夾雜海鮮的鮮味，牛油香味四溢。
以青綠色的香草醬汁作伴碟拉花，整體賣相挺不錯。

黑松露蘑菇忌廉湯

重口味的我，覺得黑松露味道不夠濃烈，
再加多點點蘑菇，口感會更豐富和香濃。
另外配上餐包蘸麵包會更好！

焗龍蝦闊條麵海龍皇汁

龍蝦拆肉不難，但麻煩，師父早已貼心將龍蝦起肉，
半隻已開殼的龍蝦優閒地躺在闊條麵上，真是啖啖肉。
加入好多豐富的配料，如香菇、蘑菇、青口粒等等。

厚身的麵條吃落夠嚼口和煙軔，掛滿濃郁的龍蝦醬汁，
捲成木宿芽球成了一個簡單的裝飾藝術，突顯出鮮味。

烤西班牙極黑豬扒超大塊，
淋上法式芥末蜜糖醬更惹味！

厚切豬扒熟度剛好，軟腍入味 ，
另加塊香煎鵝肝，使主菜的份量十足；
肉味夠，但再煎多幾下會更香！

配料如燒栗米、燒翠玉瓜、小紅茄燒到好香，
仲鐘意好重牛油味的薯泥，十分出色的配菜組合。

精美甜品是超Mini portion, 有合桃朱古力蛋糕和奶凍，
伴碟仲有士多啤梨、藍莓等水果，女生不用怕肥！

最後跟餐有即磨咖啡或茶
$688 / couple

Okapi
地址 : 尖沙咀赫德道8號地下B舖
電話號碼: 2368 7299
營業時間: 星期一至日: 12:00-23:00