要約齊飯腳本身已經不容易，再要上網搵飯局地點！
所以有時會從朋友邊入手，打聽飯腳推薦的餐廳再去。
呢間 樓上cafe 在同區有另一間分店，
此店近麥花臣球場，座落在對面的金雞廣場。
近門口有個木櫃，裝滿 board games ，
提供給惠顧的食客娛樂作之用，幾不錯！
座位好大好寬闊，環境都好舒服，最緊要是夠熱鬧！
目測可容納數十人，另有間大房可容納20人。
大班人一齊食，可以叫逐個餐都叫，分甘同味！
特式小食有我最愛的小食拼盤，另有海鮮、特式拼盤
沙律、薯條、薯角等，都是聚會常見的人氣小食。
吹水cafe 總是有源源不絕的飲品可供選擇，
有吸晴的塔羅特飲，也有其他的飲品組合，
如：咖啡、紅茶、綠茶、梳打、冰沙、
花茶、奶昔、乳酪、朱古力系列，
有選擇困難的人，一時之間無法揀到都正常。
餐牌有三款飛碟，都是以芝士為主打，
芝士火腿飛碟 $34
內有芝士火腿，有微微拉絲的效果，
旁邊有沙律醬伴木宿芽，營造健康清新的感覺，
食落兩者好夾，使芝士不會太膩。
蒜香雞翼 $36
六隻雞翼炸到香脆可口，肉質都幾嫩。
一上枱熱騰騰，要靜待一會才不會太熱。
餐牌標明套餐只需另加 $30 就有頭盤 + 甜品
田園沙律是最佳的前菜，用小蕃茄和沙律清腸胃！
主菜點了黑松露帶子鮮菌燴意大利飯 $108
一上端上枱就被吸引過去了，因為有很多的黑松露，
配料更豐富，有細細粒的帶子、蘑菇片、洋蔥，
燴飯口感帶點濕潤，帶子又有咬口。
煙三文魚野菌忌廉燴意粉 $112
三文魚玫瑰花作伴碟的意粉份量十足，
逐塊「玫瑰」掀起，會發現原來有數片的三文魚，
醃得入味，但不會太咸，裝飾撒上香草碎，賣相更靚！
所有套裝贈送$34飲品一杯
跟餐的熱金桔紅茶都幾好味，
酸酸地當是飯後解膩，又可以用作暖胃之用。
或補差額配$34以上的飲品
補$6 有榛子朱古力，還有其他口味！
面上有忌廉和朱古力醬，口感細膩之選！
飯後芝士蛋糕伴有蜜糖作畫花伴碟，份量好滿足，
又有藍莓和紐約兩個至愛口味，軟硬口感一次過嘗試。
第三站 Station 3 Cafe
地址: 旺角洗衣街39號金雞廣場25樓08-09室
電話號碼: 6681 1177
營業時間: 星期一至五: 13:00-01:00 星期六,日及公眾假期13:00-01:00
沒有留言:
張貼留言