以平日來說，入座率都有八九成滿座，場面好熱鬧。
雞煲有數個口味，當然要揀招牌香辣雞煲 $128
分為冰鮮和走地新鮮雞，價錢當然都會有少許差異，
但見兩者價錢不是相差太遠，與朋友試了半隻走地雞！
辣度與米線一樣都有分辣勁，雖然點小辣，
但愈食辣味愈起勁，連帶配料都有陣陣香辣味，
嗜辣的朋友應該會幾鐘意不同層次的辣度，
但非辣妹要注意一下，初起步最好小辣～
餐前小食點了招牌炸魚蛋 $33
即叫即炸，熱勁十足！侍應生提醒小心燙口～
一咬落去好似 ping pong 咁彈牙，魚肉好嫩，
蘸上附上的酸甜醬，中和了油膩，滑味更突出。
原隻特級魚肚 $42
厚厚的魚肚在鍋中好似發脹般，但靜下來會吸盡湯底，
一咬會噴出香辣的湯汁，好惹味～
即炸響鈴 $32
最期盼的響鈴是要花點時間去等候，即食要小心燙口，
在鍋中快浸數秒即食，炸到酥脆香口，使人回味無窮！
一枱有幾位牛魔王當然都要點肥牛恰下恰下，
也有點選手打丸類，如韮菜餃、蝦丸和墨魚滑。
手打墨魚滑釀了墨魚片的墨魚滑口感好特別，有咬口又幾彈牙。
韮菜餃釀滿了韮菜，食落有口感又夠香，
另外朋友都幾鐘意食手打蝦丸。
野生竹笙 $32/半入鍋滾幾滾會變到脹卜卜，
原來一直膨脹是吸湯底精華，吸到雞煲的辣味精華。
栗米粒爽甜多汁 ，另點了芋絲、鮮腐皮打邊爐。
除了點鮮肉外，海鮮也是不錯的選擇。
美國桶蠔一隻只需 $18，肥美又新鮮，
可以與手掌來一個比併，想不到睇頭都唔細。
日本鮮帶子白雪雪好大粒，肉質鮮嫩多汁。
時蔬雙拼最好就可以雙併，又可以選半份。
飲品的選擇都幾多元化，有清酒、啤酒、紅白酒、特飲、冷熱竹庶水。
最怕口乾或喉嚨乾涸的朋友，一定要點巨無霸的飲品，
呢杯只是特大凍檸賓 $30，想見識巨無霸威力就點吧！
有分凍熱的茅根竹蔗水，而且份量也大有不同，
一枱好多人打邊爐享用的，當然點一渣茅根竹蔗水，
若果無人分甘同味，一個人可以點 $10/杯的竹庶水。
設有加一服務費和小收費－秘製醬料 $4/位
嗜辣的人可以加超勁辣椒油 $20/碟
寶寶雞煲
地址 : 旺角花園街75-77號花園商業大廈1樓
電話號碼: 3586 9520
營業時間: 星期一至日: 8:00-17:00; 18:00-2:30
沒有留言:
張貼留言