必食德國火焰咸豬手．February (觀塘)

餐廳裡掛上五顏六色的古典大燈，盡顯歐陸風情，
燈光昏暗，而且是梳化凳，坐得幾舒服。

除了可以散點小食、湯、沙律、主菜和甜品，
餐廳也有提供2人餐和4人餐，價錢更划算！

凡點主菜，可加錢轉套餐 +$38  精選餐湯或精選沙律

德國火焰咸豬手 $282
小妹孤陋寡聞，只是吃過一次火焰雪山的甜品，
今次都是首次見識到火焰咸豬手，實在是大開眼界！

上枱時，侍應生會先詢問是否需要拍照或短片，
原因是好快就會上演好戲，一定用手機捕捉最佳時刻！

倒上冧酒，再用火槍灸燒，火焰雪山效果隨即出現，
火焰持續大約十秒，營造出微焦又香脆的咸豬手。

豬手的肉質嫩滑，外層有香炸和酥脆感，吃落脆卜卜，
純粹吃酸椰菜會酸溜溜，但與咸香肉嫩的豬手肉好夾，
酸味省去豬手多餘的油膩感，幫助消化，提升鮮味！

原隻豬手在木板上霸氣地躺著，伴菜輔有芥末薯仔沙律和酸椰菜，
為主菜生色不少！豬手經調味醃製後，味道咸咸地、吃落好惹味。

意式海蝦南瓜意大利飯 $142

第一次食到滿載南瓜汁的燉飯，味道好濃郁又鮮甜，
飯汁充滿蛋黃色澤，帶陣陣南瓜濃香，口感軟滑香濃。

伴碟的拉花畫得好有心思，平衡感不錯，
蝦表面經微微煙燻和香煎，食落彈牙爽口，
伴碟的小蕃茄粒和翠玉瓜粒為菜式主調，健康有營。

February
地址 : 觀塘駿業街56號中海日升中心2樓A號舖
電話號碼: 2237 1119
營業時間: 星期一至六: 11:30-23:59 星期日: 休息