飯聚聊天, 氣氛相當不錯．Plato Cafe & Bistro (油麻地)

是晚與家人慶生，於是在彌敦道找了間就腳的餐廳，
裝潢新穎， 環境寬敞，甫進就被玩味十足的設計吸引。

近門口有間大房隔開大廳，很適合與朋友飯聚聊天；
但更喜歡找個近窗的位置，遠眺夜景，氣氛相當不錯。

在餐牌找到個精選二人餐  $398
價錢合理，而且人均來說也算與同區相約，
想不到頭盤小食選擇挺多元化，幾乎每款都喜歡的。

香草餐湯中規中矩，先暖暖胃再來食前菜 ，
蒜蓉法包的牛油味濃，而且咬落好脆卜卜。

在眾多的頭盤中選了酸忌廉煙肉薯條，

酸忌廉配上脆煙肉，粒粒的咸煙肉更添口感，
薯條即食會香口又有陣陣薯香，邪惡但好味！
待會兒再吃變得更軟腍，係我更喜歡的食法。

龍蝦汁的大蝦意大利飯充滿陣陣海洋風味，

蝦的賣相好得，微燻的表面好香，煎得均勻又靚。
加入冬菇粒的飯會多了重滋味，吃落香噴噴 ，
飯粒會顯得比較濕身，更散出淡淡的龍蝦香汁。

主菜點了美國極黑豚肉眼扒，

朋友說黑毛豬的肉質比想像中軟腍，
配上紅桑子燒汁帶點微酸的煎燻感，讓人十分難忘！
而且扒肉都好大塊，一扒真是會吃到好飽！

細薯粒煎得好香，但比較硬身，再軟變蓉的口感更好，
配上沙律菜、小蕃茄和西蘭花，頓時不會覺得油膩了。

凍朱古力表面擠了層忌廉，起了簡單的裝飾作用，
啖啖都帶香濃又滑的口感，帶點似食甜品的感覺，

飯後再來杯檸檬生薑熱茶和甜品，
算是為晚餐畫上十分美滿的句號。

甜品有數款選擇，份量也不少，
紐約芝士餅是甜品控的例牌吧...

沾點旁邊修飾的蜜糖漿更美味，
餅底由餅乾碎幻化而成，脆脆地又有咬口。
邊嘆熱茶，留意到朋友邊綻放出滿足的笑容⋯⋯

Tiramisu 內注入朱古力漿，好邪惡！

四層有兩層是忌廉，入口帶點濕潤，
朱古力蛋糕好柔軟，最高層好軟，好味～

Plato Cafe & Bistro
地址 : 油麻地彌敦道483-485號2樓
電話號碼: 3426 2700 / 9787 5976
營業時間: 星期一至日: 11:30-23:00