可愛度爆登的加菲貓主題店．富山拉麵 (銅鑼灣)

上次與朋友在銅鑼灣希雲街附近食過甜品才留意到轉角有間拉麵店，
仲同可愛又萌度十足的加菲貓Crossover。

原來富山拉麵經常都與不少卡通人物 Crossover ，今次是可愛度爆登的肥貓，
幸好是非繁忙時段，只是等了一陣子就有位～

踏入店子就有個角落是與一比一加菲公仔影相，
目測多數是情侶和一家大細來朝聖。
小朋友都興奮地野生捕獲肥貓，同肥貓打招呼、合照和抱抱～
大朋友見到都即時大讚萌度十足！

不同湯底的招牌拉麵：

整間店子都隱藏加菲貓的踪影，連筷子套都是加菲的圖案，
真是令人心情十分舒暢，又不自覺多點有肥貓公仔的食物～

小食選了胡麻溫室蕃茄 $25

原顆的蕃茄十分新鮮，師父又細心地切成八件，與朋友分食就最方便！

原本以為胡麻醬會好咸，但調味後味道剛好！
蕃茄真的好鮮甜又多汁，而且一個蕃茄好大份，物超所值！

黑醬油半熟蛋拉麵 大滿足 $95

這是標明是人氣no.1，我當然要試試！
半熟蛋吃落軟滑又充滿蛋香，教人欲罷不能～

採用美味的魚醬長時間烹調，湯底自然濃厚～
配料有露筍、蔥和雲耳，口感尤其新鮮！

日本拉麵果然別具風味，
麵質揀了硬身，吃落麵幾彈牙。

札幌味噌半熟拉麵 大滿足 $100
朋友的札幌拉麵選了軟腍，
味噌經長時間發酵，
陣發出濃郁的麵豉醬香味
追加黑木耳，吸了湯底的精華。

可惜的是另加的肥貓紫菜都不夠脆。

富山餃子 5隻/ $38
新鮮手製的餃孖煎得十分香口，
肉餡和菜都是滿滿的，肉汁緊緊鎖在餃子。

食完正餐，總是想心思思想食加菲貓甜品

士多啤梨布甸 ＆ Oreo 抹茶布甸 $18 Each

玻璃瓶仔印有加菲貓的圖案，
大人細路見到都即時被吸引！
布甸吃落有淡淡的士多啤梨香味，
質感好滑溜和軟身。

撒上朱古力碎的Oreo 抹茶布甸更吸引，
吃到有濃郁的綠茶味，讓味蕾為之一振。

北海道無糖芝士蛋糕 $15

呈熱溶的狀態，望落超吸引！
重點是無糖的口味，吃落罪惡感會即時消失～
店子應該叮熱了碗仔，陣陣的芝士味隨隨散發～
芝士口味的蛋糕吃落口感細膩又香濃，想encore!!

店子供應汽水、茶品、炭酸飲料和啤酒。

個人比較喜歡飲茶或柚子蜜的熱飲，
但朋友見到日本的炭酸飲料都想試試

巨峰、蜜瓜等炭酸飲料的口味特別，好似不錯～

在店內可買到加菲貓的拉麵碗及環保袋，加菲貓絕不可錯過的！
 套裝 $198，限量999件，售完即止！

富山拉麵
銅鑼灣希雲街7號地下