四款湯底的確過癮．酒鍋 The Drunken Pot (尖沙咀)

與朋友提早慶生，大家都想趁著夏天完結前打邊爐，於是在網上找了幾間再問朋友意見。當朋友見到四個湯底即時心心眼，好快就決定下來！

環境好靚，有圖案點綴牆面，滿有中國傳統特色的格局。訂了晚上六點鐘，提早五分鐘到埗，但店員仍在準備中，於是在外面先打卡。準時入座的我倆被安排在近窗位置，不消一陣子就坐滿了客人，十分熱鬧。枱上早已備有長短筷子、紙巾和牙籤。

酒鍋有三十道豐味，今晚先體驗一個四國豐味吧！與友人享用了一個歡樂時光套餐，限時兩個半小時。有十款以上的醬料可供選擇，又用上真·XO醬，見到有原隻乾蝦，果然不計成本！大家趁機先調配祕醬。

四國豐味是一鍋四個湯底，岩曬心思思又想試多口味的我倆。若有人絕不沾辣，一次四個鍋絕對可以滿足到多人的飯局！湯底認真出色，不用蘸醬汁下，食物已經非常入味。

嗜辣的朋友最愛四川麻辣鍋，貪其夠麻夠辣，吃到興恰恰。四川又麻又辣，好過癮！豬皮、芽菜和豆卜都吸盡湯底精華。

其中一個青咖哩海鮮鍋，椰子味滾到好香，聞到香濃椰汁味。

另外兩個鍋是椰子雞和肉骨茶鍋。大家都從未試過四款湯底打邊爐，想不到食物賣相又靚又正，已經決定再Encore！

四國豐味套餐的確幾豐富，除了小食頭盤，也有安格斯牛頸脊和日本頂級黑毛豬的肉類。

小食頭盤下鋪了大量木宿芽在底下吸油，比一般的碎生菜更有心思，而且感覺上更輕盈和健康。有南乳炸雞翼、炭燒豬頸肉、紫蘇蝦餅、鬼五馬綠，炸物都非常誘人。其中最愛黑松露油炸鬼，釀了蝦膠在裡面。

海中蝦、蕃薯蜆又是用冰鎮方式出餐，夠新鮮。

酒鍋黑啤熊賣相夠吸引，小朋友一定鐘意。

一板有鮮蝦水餃、菠菜皮韭菜餃、洋蔥豬肉蛋餃，

丸類都不馬虎，有芝士手打蝦丸、手打墨魚丸、台灣香菇貢丸和脆皮芝士腸。

蒜蓉炸鮮魚皮最有心思又好大碗，用了蒜爆香魚皮，碎上，成了香口的小食！

還有打邊爐必不可少的炸手工紫菜響鈴、蔬菜和雜菌拼盤、稻庭烏冬。

一邊打邊爐，一邊飲啖清潤解渴的紫貝天葵和竹蔗茅根，找到怦然心動的幸福味道。

酒鍋

The Drunken Pot

地址 

尖沙咀天文台道8號2樓1號舖

電話號碼

2321 9038

營業時間

星期日至四: 12:00-15:00; 18:00-00:00 星期五及六: 12:00-15:00; 18:00-02:00

$328 位  兩位起

星期一至四 六點至八點半 

星期日至四 十點半至凌晨一點 

星期五不和六 十點半至凌晨二點