啜到爆汁的蟹黃湯包．尚香 (旺角)

前一陣子去逛美食節，第一次見到有蟹黃湯包，
只是當時人多又擠擁，所以當時只好收斂一下。

最近行經旺角廣華街，就忍不住要試試～
當晚正值收工時段，欲購湯包人龍好長，
收銀話需要等45分鐘，但我都嘗試等⋯⋯

原來當晚的蒸籠有問題，有好多人一聽到要等就調頭走，
但有時為了好西就要付出，只希望下次唔需要等那麼耐。

蟹黃湯包 $45

咬一啖再啜，趁熱食會更鮮，不管旁人，吃到啜啜聲～
記得慢慢啜，小心湯汁燙嘴，即叫即蒸才是皇道，出爐熱騰騰，

皮薄足料，裡面有蟹肉和蟹黃，蒸出鮮味來，
而且發現湯包皮不會好容易變爛和黏底。
這個是值得試，因為真係會啜到好多汁，
先飲湯，再食蟹肉，加薑絲更體現到其美味。

蟹黃小籠包 $45/5隻

除了大湯包外，也有迷你蟹黃小籠包，
的骰可愛，湯汁滿滿的，一啖可以吃到。

食過翻尋味，番轉頭試另外兩款鎮店之寶，
若買外賣，店員會比個冰袋裝住拎番屋企。

鮮肉小籠包 $35/5隻

鮮味十足，湯汁配上香濃的肉香，吃過唇齒留香。

糯米燒賣 $20/4隻

最期待的是這款釀了糯米的燒賣，
軟身厚皮，吃兩粒已經好夠喉！

香港是一個美食之都，吸引到不少人慕名而來，
尤其在這個美食雲集的旺角鬧市，必定會吃到人間美食。

地址
旺角廣華街1號仁安大廈地下G1B號舖

電話號碼
2481 8686

營業時間
星期一至日: 12:00-22:00